طفل نوبي يغنى للسائحين في قلب الماء بأسوان
تجده من بعيد يسبح بقاربه داخل مياه النيل في اسوان ،طفل لم يتجاوز الثامنه من عمره،«عمرو خالد»من قرية« جبل تاجوج»بمحافظة أسوان،صوته الجميل يجذب السائحين المصريين منهم والأجانب المنتزهين بالقوارب داخل مياه النيل.
وقال عمرو:انا بعشق النيل وبحب الغناء واتعلمت من اخويا الكبير السباحه،وتابع الصغير كل يوم كل يوم بعد الدراسه باجى للنيل واشتغل بالغنا للسياح،بفضل في القارب الصغير بتاعى وقت طويل،لما ألمح مركب فيه سياح كتير وخصوصا الاجانب بجدف بسرعه عليهم وأبدأ في الغنا النوبي لانهم بيحبوه جدا،وفي الاخر بيعطونى دولار،بكون مبسوط بيه ولو مصريين باخد عشرة جنيه او عشرين،والفلوس دى بحوشها للمدرسه،أنا بحب اعتمد علي نفسى.
واضاف "السباح الصغير"اقضي وقتى كله وسط النيل سواء في الشتاء او الصيف عمرى ما عديت الساعات اللى بكون فيها جوه الميه،وعمرى ما خفت لأنى بعرف اسبح كويس ومش انا لوحدى بشتغل مغنى للسياح اعرف ولاد كتير زى بيعملوا كده،وساعات بنكون مع بعض نغنى سوا وبنكون مبسوطين لما بنسعد السياح اللى بيزورونا.
وأكمل الصغير حديثه قائلا:-"أنا بحب الغنى النوبي واكثر واحد بحبه هو محمد منير وحافظ كل اغانيه وبقولها للسياح وساعات هما بيطلبوها منى،وكتير جدا بشوفه ف الفيلا بتاعته لما بكون معدى قدامها وبنادى عليه لكن مش بيسمعنى،لما اكبر هطلع دكتور وافضل اجى للنيل واسبح فيه ومش هبطل اغنى للسياح انا ببقي مبسوط لما بعمل كده"
إرسال تعليق